Verkéier

I) MOBILITÄTSKONZEPT NORDSTAD

D’Mobilitéitskonzept fir d’Nordstad wéi et dem Gemengerot den 8. Mee 2013 virgestallt gouf, ass eng detailléiert, verständlich a flott Dokumentatioun vun 66 Säiten a 5 Tableauen a Form vu gréisseren Affichen. Um Wupp vun dësem Dossier fannt Dir di néidig Linke fir d’Integralversioun vum Nordstad-Mobilitéitskonzept an di 5 Tableaue rof ze lueden. Hei maache mir de Resumee vum Mobilitéitskonzept a weisen di wichtigst Säiten aus deem Dokument:

<s

1. Wat sinn d’Objektive vun deem Konzept ?
2. Wat sin  d’Prinzipien vum Konzept ?
3. Wat sinn di verschidde Varianten déi ënnersicht goufen ?
4. Wéi ass d’Bewäertung vun de verschiddene Varianten ?
5. Wat fir eng Variant ass di bescht Variant ?

1) Objektiver

Et geet drëm, de Verkéier regional sou ze gestalten, dass d’Nordstad-Regioun sich sou kann entwéckelen, wéi et am <Masterplan Nordstad> beschriwwen ass an dobäi besonnisch Gewiicht op den ëffentliche Persounen-Transport (ÖPNV) ze leeën. Ee Modal-Split vun op d’Mannst 25 % ëffentliche Verkéier (ÖV) géintiwwer 75 % individuelle Verkéier (IV) ass d’Zil.

2) Prinzipien

5 verschidde Varianten vun ëffentliche Verkéiersmodeller (ÖV) goufen ausgeschafft fir de Verkéier an der Nordstad a besonnisch op der Zentralax tëschent Dikrich an Ettelbréck an de Grëff ze kréien. Di eenzel Variante gi bewäert a klasséiert. Duerno gëtt di bescht Variant weiderentwéckelt an ëmgesat.

3) Verkéiersmodellen

Di 5 Varianten sinn: 1) Bus, 2a) 1-Glais-Zuch + Bus, 2b) 2-Glais-Zuch + Bus, 3a) Tram an 3b) Train-Tram

D’Variant N° 1) kënnt als eenzige Verkéiersmodell ganz ouni Schinnen aus.

SPNV = Schienenpersonennahverkehr

4) Auswäertung

Di 5 Variante ginn no eng ganzer Rei vu Parametere bewäert, déi a 4 Kategorie agedeelt sinn. All eenzel Kategorie zielt fir ungeféier ee Véierel – ronn 25 % – vum final score: 1) Verkéier innerhalb vun der Nordstad (Binnenverkehr, brong Balken), 2) Uschloss un de Verkéier ausserhalb vun der Nordstad (Regionalverkehr, gréng Balken), 3) Entwécklung vun Ëmwelt/Stad/Raum (Umwelt/Stadt/Raum, violett Balken) a 4) Käschten (Kosten, orange Balken).

5) Di Bescht

D’Variant N° 3a) Tram klasséiert sich un zweeter Plaz. Den Tram wär ee performante Verkéiersmodus deem awer d’masse critique feelt. Plaz 1 an de Kategorien “Binnenverker” an “Umwelt/Stadt/Raum” a Plaz 4 an de Kategorien “Regionalverkehr” a “Kosten”.

D’Variant N° 1) Bus huet däitlich dee beschte final score: An de Kategorien “Regionalverkehr” a “Kosten” ass de Bus net ze schloen. An de Kategorien “Binnenverkehr” an “Umwelt/Stadt/Raum” rangéiert de Bus un 3. Plaz.

BHNS = bus à haut niveau de service

>

II) KOMMENTAR

1)   De Minister erwaart sich vun alle 6 Nordstad-Gemengeréit een Avis circonstancié zum Nordstad-Mobilitéits-konzept am allgemengen an zu der Variant N° 1) Bus, déi bei der ofschléissender  Bewäertung am beschten ofgeschnidden huet, am speziellen.

2)   Wann de Verkéiersmodus fir d’Nordstad da festgehal ass – di definitiv Entscheedung läit beim Minister – kann d’Detailplanung ugoen. Da gëtt geplangt wéi de Verkéier um Terrain, besonnisch op der Zentralax tëschent Ettelbréck an Dikrich an an den Nordstad-Uertschaften, soll lafen.

3)  Dat aktuellt Mobilitéitskonzept mécht nach keng präzis Aussoen zu dem konkrete Verkéiersverlaf duerch Dikrich. Et fällt allerdéngs op, dass d’Omegavariant vum Kreesverkéier ronderëm Dikrich (d.h. de Verkéier leeft an 2 Richtungen an der rue Alexis HECK, op der Esplanade an am Gruef; d’rue du Pont gëtt zou gemaach a bleift nach just fir den ëffentlichen Transport op) gemeinsamen Ausgangspunkt vun alle 5 Modellvariante war. Deemno kéint een dovun ausgoen, dass egal wat fir eng Variant zum Schluss zréckbehale gëtt, de Kreesverkéier à sens unique, wéi mir en haut kennen, net d’Léisung vun der Zukunft wäert sinn.

4)   Den Zuch tëschent Dikrich an Ettelbréck bleift sou laang a Betrib wi méiglich a wi néidig; op d’Mannst bis deen neien ëffentlichen Transport – dee méi performant a méi komfortabel wéi den Zuch muss a wäert sinn – funktionnéiert. .

5)   De Nord-Contournement vun Dikrich ass partie intégrante vun dësem Nordstad-Mobilitéitskonzept a muss also zäitgläich a parallel dozou geplangt an ëmgesat ginn.

III) ANHANG

1) Contournement Nord de la Ville de Diekirch (→ 4) Slides 3-9)

Ausso* vum Minister Claude WISELER zum Contournement vun Dikrich 2013-05-14: ” … Et ass richteg datt de Verkéier um Rang vun Dikrech an och an der Alexis Heck Strooss zu Spëtzenzäiten héich ass an ëmmer nees zu Problemer féiert. Dofir gëtt un enger Nordumgehung vun Dikrech geplangt. Dat awer net nëmmen am Hibléck op de Bau vun der neier Ackerbauschoul, mä och fir d’Zentralax vun Ettelbréck op Dikrech ze entlaaschten, sou datt déi Strooss urbanistesch ka nei entwéckelt an opgewäert ginn.”

* Äntwert vum Minister Claude WISELER op eng Question parlementaire vum Deputéierte Fernand KARTHEISER zu dem Problem Unterführung an der rue Alexis HECK

Schematisch Duerstellung vun den 3 Variante vum Contournement Nord vun Dikrich [grafik: bp_2010]

2) Stratégie pour une mobilité durable 2012-05 (All)

MODU 2012-05 all (Version intégrale 168 pages)

3) Stratégie pour une mobilité durable 2012-05 (Nordstad)

MODU 2012-05 NoS (Nordstad 3 pages)

4) Position CSV-Dikrich cc Nordstad-Trafic (Op de Punkt Mee 2012)

CSV-Dk OdP 2012-05 4 NoS-Trafic

5) Présentation CSV-Dikrich cc Mobilitéitskonzept Nordstad

Hei hannendru weise mir eng Rei vu Grafiken déi verschidden Aspekter vum Mobilitéitskonzept Nordstad an den historische Kontext (z.B. Trafic-Etude Nordstad 2005) stellen, weider erklären (z.B. Omega-Variant) an illustréieren (z.B. Contournement Nord).

6) Version intégrale du Mobilitéitskonzept Nordstad **

Mobilitéitskonzept-Nordstad_Präsentation (public viewing) (1 download am pdf-Format)

** D’Vertrieder vum Ministère hunn ausdrécklich feu vert ginn, fir den Dossier Mobilitéitskonzept-Nordstad ëffentlich ze maachen !

7) CSV-DP-déi gréng-Résolution concernant Mobilitéitskonzept Nordstad

CSV-DG-DP-Résolution (au format pdf, 2 pages)

8) LSAP-Résolution concernant Mobilitéitskonzept Nordstad

LSAP-Résolution (au format png, 1 page)

9) CSV-Question parlementaire concernant Mobilitéitskonzept Nordstad (Réponse du ministre BAUSCH)

CSV-QP (Marco SCHANK, Ali KAES) (au format pdf, 3 pages)

10) Positionnement du ministre François BAUSCH par rapport au METTIS dans le contexte du développement des transports en commun au sein de la Nordstad

Wort-Artikel vum 2014-06-03 (François BAUSCH) (au format pdf, 1 page)

11) Réponse du ministre François BAUSCH à la question parlementaire concernant l’organisation future des transports en commun au sein de la Nordstad et le rôle éventuel d’un système de Bus à Haut Niveau de Services (BHNS) du type METTIS qui connait beaucoup de succès à Metz-Métropole

Question parlementaire et réponse ministérielle (André BAULER, François BAUSCH) (au format pdf, 4 pages)

12) Présentation du Projet Pôle d’échange multimodal Gare Ettelbruck (CAPe, 2014-10-21)

Vidéo de présentation (youtube)

13) Présentation du Corridor multimodal de transport N7 Ettelbruck – Diekirch (CAPe, 2014-10-21)

Bei Geleeënheet vun der Virstellung vum Projet Ettelbréck-Gare den 21. Oktober am CAPe zu Ettelbréck, sinn och offiziell an ëffentlich éischt Detailer vun dem Aménagement vum Axe central tëschent Ettelbréck an Dikrich gewise ginn.

Well di 3 Regierungsparteien sich net eens goufen, fir tëschent Dikrich an Ettelbréck den Zuch weider fueren ze loossen oder d’Schinne wech ze huelen, bleiwt den Zuch provisorisch bestoen an et gëtt een zousätzliche Busbetrib um Axe central agefouert.

D’Trasse vum neie Busbetrib um Axe central geet vum Rond-Point Cactus bis bei de MacDonalds op reservéierte Busspuren rechts laanscht d’Bunn. Tëschent dem McDonalds an dem Restaurant Äppel a Bieren geet et iwwert d’Bunn an dann deels op reservéierte Busspuren an deels op net reservéierte Busspuren lénks laanscht d’Bunn bis op d’Gare. Vun do geet et virun op reservéierte Busspuren an am Space-sharing (exclusivement mobilité douce) iwwert eng nei Ficellsbréck bis op de Rond-Point op der Fielserstrooss a weider bis bei de Campus MERTEN (LCD, LTHAH, NoSL). 

Weider Biller op eisem Site: http://dikrech.csv.lu/album-new/2014-2/

Den Trasse vun där neier Buslinn um Axe central tëschent Ettelbréck an Dikrich [bp_2014-10-23 d’après les documents projetés le 2014-10-21]

De Passage iwwert d’Schinnen vun där neier Buslinn um Axe central ass tëschent McDonalds a Restaurant Äppel a Bieren. [bp_2014-10-23 d’après les documents projetés le 2014-10-21, fonds de carte geoportail]

Den Detail vum Stroosseverlaf vum Passage iwwert d’Schinnen tëschent McDonalds a Restaurant Äppel a Bieren.

Hei den zukünftige Profil vun der Ettelbrécker bzw. Dikricher Strooss [bp_2014-10-23 d’après les documents projetés le 2014-10-21]

IV) GALERIE

1) Trafic-Etude Nordstad (2003)

2) Mobilitéitskonzept Nordstad (2013)

3) Mobilitéitskonzept Nordstad 2035 (2021)